INFORMACIÓN "AXENDA DIDÁCTICO-ESCOLAR 2010-2011"

La Conseyería de Cultura y Turismu (al traviés de la Dirección Xeneral de Política Llingüística) cola collaboración de la Conseyería de Educación del Principáu d’Asturies, yá entama l’«Axenda Didáctico-Escolar» pal cursu 2010-2011, invitando a toles persones, grupos y compañíes de la nuestra actualidá musical, lliteraria y teatral interesaes en participar na mesma a que presenten los sos proyectos.

Tien que se presentar un proyectu detalláu de l’actividá y los datos que s’indiquen de siguío:

- Oxetivos didácticos que se quieren algamar cola actividá.

- Material pa trabayar nos centros.

- Duración.

- Tramu d’edá al que se dirixi.

- Breve resume de l’actividá pa unviar a los centros onde se-yos va informar de la mesma y de les necesidaes que rique lo propuesto: espacios, midíes, necesidaes eléctriques, equipos, númberu d’alumnáu…

- Costu de l’actividá, aportunando si tien IVA o si ta exenta.

- Teléfonu y corréu electrónicu de contactu.

Plazu presentación hasta’l 15 de xunetu. Los proyectos tienen que se presentar nel Serviciu de Política Llingüística del Principáu d’Asturies.

Ente tolos proyectos presentaos va facese una selección d’aquellos que meyor s’axusten a les iniciatives d’usu, promoción llingüística y apoyu al trabayu educativu.