Presentación

L'Observatoriu de la Política Llingüística formóse en xineru del 2005 como un grupu asesor y d'apoyu de la Serviciu de Política Llingüística del Principáu, ensin vinculación orgánica cola Conseyería de Cultura.

L'Observatoriu compónlu un grupu de persones independiente, críticu y constructivu, con representatividá nel mundu de la cultura y políticu d'Asturies, que tán interesaes en que facer efectives les posibilidaes reales d'avance qu'agora se dan pa la llingua asturiana, sin rocees y sin demores.

A lo llargo d'esti tiempu, l'Observatoriu reunióse periódicamente cola Serviciu de Política Llingüística, faciendo un siguimientu de les incidencies que conformaben l'actividá d'esi órganu. Tamién se reunió en diverses ocasiones colos responsables de la Conseyería de Cultura, valorando positivamente los llogros y espresando la so esmolición poles carencies na política llingüística. D'otra manera, l'Observatoriu fizo públiques diverses valoraciones sobre la marcha de la política llingüística, basaes nel enfotu de nun esconder nin los llogros oxetivos nin les carencies evidentes.