"La Oficina de Política de Llingüística del Principáu d'Asturies ye un Serviciu dependiente de la Dirección Xeneral de Promoción Cultural y Política Llingüística (dirixida por Carlos Madera González), dientro la Conseyería de Cultura, Comunicación Social y Turismu, de la que ye titular Ana Rosa Migoya Diego. Creóse pol Decretu 85/2003, del 29 de xunetu (BOPA del 30 de xunetu del 2003), que se refier a la estructura orgánica básica de la mentada Conseyería. D'acordies col antedichu Decretu, "La Oficina de Política Llingüística desarrolla las funciones relativas a le ejecución, coordinación con otras administraciones, control y evaluación de los programas necesarios para el desarrollo de una política lingüística que garantice y normalice socialmente el uso del asturiano, así como las necesarias para su protección, promoción y difusión". La creación de la Oficina de Política Llingüística ye'l primer puntu del Acuerdu de Gobiernu ente'l PSOE y IX-BA: "Creación de la Dirección Xeneral de Promoción Cultural y Política Llingüística y de la Oficina de Política Llingüística, instrumentos políticos y administrativos de planificación y execución qu'aseguren la coordinación coles distintes administraciones públiques, igual que'l control y la evaluación d'estos programes". El Xefe de la Oficina de Política Llingüística ye Ramón d'Andrés Díaz, profesor titular de Filoloxía Española y Asturiana na Universidá d'Uviéu, miembru de númberu de l'Academia de la Llingua Asturiana, patronu de la Fundación "Caveda y Nava" y autor d'abondos llibros, artículos y estudios sobre la llingua asturiana y la so realidá llingüística y social.