La Dirección Xeneral de Política Llingüística, dependiente de la Conseyería de Cultura y Turismu, creóse pol Decretu 123/2008, del 27 de payares (BOPA del 28 de payares del 2008), que se refier a la estructura orgánica de la mentada Conseyería. Tien la competencia en materia de política llingüística pal asturianu y pal gallego-asturianu, correspondiéndo-y ente otres la planificación, execución y coordinación con otres alministraciones de programes que normalicen socialmente dambos, amás d'exercer les funciones que competen a la Conseyería cola Xunta Asesora de Toponimia.

De la Dirección Xeneral de Política Llingüística dependen directo'l Serviciu de Política Llingüística y la Unidá de Traducción.

El Serviciu de Política Llingüística executa, coordina con otres alministraciones, controla y evalúa los programes que garanticen y normalicen socialmente l'asturianu y gallegu-asturianu, amás de les funciones necesaries pa la so protección, promoción y difusión.

A la Unidá de Traducción correspuénde-y garantizar la exactitú y la equivalencia xurídica de les traducciones ente'l asturianu o gallego-asturianu y el castellanu, apurriéndo-y a l'alministración pública los servicios de traducción, interpretación y terminoloxía.